【布吉自駕遊之旅】
今次去布吉決定「自駕遊」！因為布吉沒有地鐵！而「路痴」既我又怕搭錯巴士，搭的士又怕比的士司機呃，所以決定租車—自駕遊! 順便可以環島遊啊！ 租車! 布吉機場租還車24小時營業! 在泰國租車都好化算，除返開每日都只係200多元港紙。而申請租車手續都好方便，只需要係租車個官網揀選地點、租車還車日期、車型號及填些少個人資料就OK。*記得要買車保* 至於佢地個GPS就唔建議用! P.S.佢個GPS系統的資料比較舊(大約update到2012年)，如果有新嘅酒店或者新開的地方就可能未必有。所以最後我自己都係用返手提電話GPS做我導遊。
Tips＞租車後，出發時記得要帶：
1) 收據 *記得print出黎
2)護照
3)國際駕駛許可證 *記得出發前一星期或以上準備好
4)信用卡 *用來做抵押
酒店! 玩盡布吉熱點!
今次會試住3間酒店，分別係Avista Hideaway，Bandara Villas Phuket 及 Angsana Laguna Phuket。
無錯！我去8日但要住3間酒店，可能你會覺得「咁快要轉酒店? 好麻煩姐！」但其實對於自駕遊黎講好Easy。就好似去沖繩一樣，都會轉酒店玩！仲可以玩盡酒店附近不同嘅景點，我就覺得都幾有趣。況且布吉Old town跟Patong beach有一段距離，又唔想浪費時間駕車去（差不多要一小時），所以選擇景點附近住兩晚酒店就最好不過!
Avista Hideaway — 動靜佳宜!
熱點: Patong Beach（芭東海灘）
近日Avista Hideaway已經屬於MGallery by Sofitel集團旗下的酒店。Avista Hideaway位於布吉島必去著名嘅芭東海灘附近，而酒店亦有提供免費穿梭巴士到芭東。酒店位置係山丘上擁有無敵海景，同熱鬧嘅芭東夜市咫尺之遙，所以真係動靜佳宜！試想想去芭東行行行、食食食、玩玩玩之後可以好快返酒店享受它寧靜的美麗，確實嘗心樂事! 而且，酒店職員好熱心同親切，例如會主動問候，問一下你住得舒唔舒適，如有什麼需要都可以聯絡佢地，亦會幫客人book local tour。最窩心係有次落雨，職員主動開遮幫我兩人擋雨，仲揸buggy送我地返酒店門口。 酒店check point: 有三個游池，個個都好靚，仲要有Infinity Pool! 對住安達曼海景，簡直係人生一大樂事! Tips : Patong Beach 有好多夜生活，小心不要玩到錯過左免費穿梭巴士! 但miss咗都唔怕，坐taxi大約300thb。
Bandara Villas Phuket — 在pool villa看最美的日落!
熱點: Baba Nest & Old Town
剛於2015年3月開幕嘅Bandara Villas坐落於攀瓦角，加上靠山建築，令到每間pool villa都有全海景，不會令其他villa遮擋到個景。最開心係可以浸係私人pool入邊，慢慢欣賞海景和日出日落。 而最特別係酒店設有迷你纜車，方便客人上落。而酒店係beach front，由房間落去沙灘都只需要2分鐘。由於酒店位置不屬熱鬧區，所以沙灘非常乾淨，名副其實水清沙幼，再加上浪非常細，好適合唔太熟水性的我。 酒店check point: 迷你纜車，可以飽纜景色。提供免費活動給住客，例如瑜伽、獨木舟、泰拳等，即使逗留酒店都唔會悶! 早餐係a la carte!
Baba Nest 是Sri Panwa入面的酒吧餐廳。點解要介紹? 因為佢有令人陶醉嘅360度海景，而最大特點就係餐廳有小型泳池圍繞着，黎影相「呃like」是常識吧!
Old Town係布吉島上唯一嘅古鎮，入面有好多古色古香嘅中美葡萄牙式建築，係一個具異域風情的地方。說實話，old town無特別手信買，但有間café值得推介比大家。就係Eleven Two & Co.，佢為old town注入了年輕感覺，入面的裝修好現代化亦好「IN」，夾雜了文化藝術氣息。除此之外，食物同飲品質素都好好，食物方面係fusion菜，混合咗亞洲、法國同泰國菜。
Angsana Laguna Phuket — 全泰國唯一的湖畔教堂!
熱點: Bangtao Beach
Laguna區在布吉比較出名，因為佢係適合男女老幼來玩。而Laguna區內有7間酒店，包括 Banyan Tree 、Dusit Thani等大品牌，而相距只有幾分鐘車程，非常方便！區內設施好齊全，包括有健身室、SPA、Shopping Mall 連 Golf course都有。可想而知Laguna區有幾大! 區內提供許多活動，例如騎馬、ATV可去 Laguna Tours 報名。
今次我就入住Angsana，去參觀全泰國唯一的湖畔教堂Laguna Chapel。教堂建在湖上面，落地玻璃的純白色教堂，採光度極佳，感覺潔白又神聖，可容納50位親友見證婚禮。
旅程完結，發現駕車旅遊真的很方便！當然，沒有車牌或者擔心迷路的朋友，不用太惆帳！選擇具信譽的地接安排就放心得多啦！最重要安全至上。
原文：Emily Chan @Sun N Sea Holidays
Edited: Eva Lam @ Sun N Sea Holidays
▼布吉《A＋酒店》套票系列：https://goo.gl/3nkiXK
Comments